Ffermdy Pentwyn

Lle i 6.

Mae'r Ffermdy wedi'i adnewyddu o ffermdy gwreiddiol yr 16eg ganrif, lle roedd fy nhad a'i rieni'n byw hyd at 1943. Erbyn hyn mae'n un o dri llety y byddwch yn eu cyrraedd trwy goedwig dderw, sy'n edrych i lawr ar ddyffryn Yscir Fechan ar gyrion Mynydd Epynt. Ceir golygfeydd godidog o'r ffermdy dros gefngwlad gerllaw.

3 ystafell wely. Llawr gwaelod agored gyda chegin wych sy'n cynnwys ffwrn â hob trydan, microdon, peiriant golchi llestri, rhewgell ac oergell. Bwrdd bwyta a chadeiriau. Soffas a chadeiriau cyfforddus a lle tân canolog gwreiddiol gyda stôf "fflamau go iawn". Teledu gyda rhai sianelu Sky. Mae'r ystafell amlbwrpas yn cynnwys peiriant golchi, sinc ac ystafell gyda basn a thoiled. Lloriau pren derw gyda ffenestri a drysau derw a wnaed â llaw a thrawstiau agored. Crefftwaith rhagorol trwy gydol y ty, gan ddefnyddio derw cynaliadwy o'r fferm ei hun. Mae'r perchnogion wedi defnyddio seiri a chrefftwyr lleol trwy gydol y gwaith.

I fyny'r grisiau i dair ystafell wely. Ystafell 1 - gwely dwbl gyda chawod a basn. Ystafell 2 - 2 wely sengl. Ystafell 3 - gwely dwbl. Ystafell ymolchi enfawr gyda chawod dwbl, bath, basn a thoiled.

Dillad gwely a thywelion yno ar eich cyfer chi. Trydan a gwres canolog olew. Rydym yn croesawu anifeiliaid anwes ar yr amod eu bod yn aros ar y llawr gwaelod ac o dan reolaeth gan fod anifeiliaid fferm o gwmpas. I'ch croesawu chi fydd dewis o fara gan Caroline, sef popty bach ym mhentref Merthyr Cynog. Digon o le parcio. Wifi, ystafell gemau a 'hot tub' a sawna am bris ychwanegol. Gardd a theras gyda dodrefn a BBQ. Dim llawer o wasanaeth ffôn symudol. Cot teithio a chadair uchel. Croeso hefyd i geffylau trwy drafod â'r perchennog, gan mai dyma gartref Bridfa Epynt, lle mae'r teulu'n bridio merlod mynydd. Digon o gyfle i farchogaeth.

I'r rhai ohonoch sydd am fod yn fwy egniol, mae'r llwybr beicio mynydd NEWYDD am 2013 ar gael i chi ei ddefnyddio trwy'r coed.